छत्तीसगढ़ी जनउला

प्रतियोगी परीक्षा  हेतु छत्तीसगढ़ी जनउला

1) बीच तरिया में टेड़गी रूख।

【 चिंगरी 】

2) फाँदे के बेर एक ठन, ढीले के बेर दू ठन।

【 दतवन 】

3) ठुड़गा रूख म बुड़गा नाचे।

【 टंगिया 】

4) कारी गाय कलिन्दर खाय, दुहते जाय पनहाते जाय।

【 कुँआ 】

5) अँउर न मँउर, बिन फोकला के चउँर।

【 मउहा 】

6) नानचून टूरा, कूद-कूद के पार बाँधे।

【 सुई 】

7) तरिया पार में फट-फीट, तेकर गुदा बड़ मिठ।

【 नरियर 】

8) तरी बटलोही उपर डंडा, नइ जानही तेला परही डंडा।

【 जिमीकांदा 】

9) एकझन कहे संझातिस झन, दूसर कहे पहातिस झन।

【 दिन-रात 】

10) एकठन थारी में दु ठन अंडा, एक गरम एक ठंडा।

【 सुरुज चंदा 】

11) पूछी में पानी पियय, मूँड़ी ललीयाय।

【 दिया 】

12) जरकुल ददा, निरासा दाई, फूलमत बहिनी, फोदेला भाई।

【 कुम्हड़ा 】

13) करिया बईला बैठे हे, लाल बईला भागत हे।

【 आगी 】

14) दुरूग के डोकरी, पाछु डाहर मोटरी।

【 मेकरा 】

15) पीठ कुबरा पेट चिरहा, नई जानही तेकर चाल किरहा।

【 कौड़ी 】

16) छितका कुरिया में बाघ गुर्रावय।

【 जांता 】

17) हरियर भाजी, साग में न भात में, खाय बर सुवाद में।

【 पान 】

18) काँटे मा कटाय नहीं, भोंगे मा भोंगाय नहीं।

【 छाया 】

19) उपर पचरी नीचे पचरी, बीच में मोंगरी मछरी।

【 जीभ 】

20) पानी के तीर-तीर चर बोकरा, पानी अँटागे मर बोकरा।

【 दिया 】

21) तीन गोड़ के टेटका मेरेर-मेरेर नरियाय, पाछू डाहर खुँदे त आगू डाहर हड़बड़ाय।

【 ढेंकी 】

22) नानकुन टूरा, गोटानी असन पेट,  कहाँ जाथस टूरा, रतनपुर देश।

【 नरियर 】

23) दिखे में लाल लाल, छिये में गूज-गूज, हा दाई चाबदिस दाई बड़ेेक जन बूबू।

【 मिर्चा 】

24) ओमनाथ के बारी म, सोमनाथ के काँटा, एक फूल फूले, त पचीस पेंड़ भाँटा।

【 भसकटैया 】

25) एक सींग के बोकरा मेरेर-मेरेर नरीयाय, मुहु डाहन चारा चरे, पाछु डाहन पघुराय।

【 जांता 】

26) सुलुँग सपेटा फुनगी में गाँठ, नई जानही तेकर नाक लकाँट।

【 बाँस 】

27) फूल-फूले रिंगी-चिंगी, फर फरे लमडेरा

【 मुनगा 】

28) नानकुन मटुकदास,
ओहना पहिनय सौ पचास।

【 प्याज, गोंदली 】

29) आय लूलू जाय लूलू, पानी ल डर्राय लूलू।

【 जूता 】

30) पानी के भीतर काँस के लोटा

【 अंडा 】

31) तनक से फुदकी फुदकत      जाय,
नौ से औड़वा पारत जाय।

【 सुई 】

32) अइठे गोइठे पार म बइठे।

【 पगड़ी 】

#कैलाश_साहू

33)सुक्खा तरिया म कोकड़ा फड़फड़ाय।

【 लाई 】

34) बीच तरिया म,गोबर चोता।

【 कछुवा 】

35) फरय न फुलय सूपा सूपा टूटय।

【 राख 】

36) अरी अउ सरी, लुगरा कस   धरि ,पांजर म फूल फुलय, माथा म फरी।

【 जोंधरी 】

37) नांनकन लईका दु कौरा खाय बोडरी ल दबाबे त रस्ता दिखाय ।

【 टार्च 】

38) उचकी घोड़ा म पुचकि लगाम ,उहूम बइठय ससुर दमांद।

【 बाल्टी, रस्सी अउ कुँवा 】

39) नाक बइठ के कान धर, मारय कोने शान ।
बइठे-बइठे जेन हा, करत रहय पहिचान ।

【 चश्मा 】

40)  एक झन फकीर जेखर पेट म लकीर।

【 गेहूँ 】